ವಯಸ್ಸಿನ ಅಂತರ
ವಯಸ್ಸಿನಲ್ಲಿ ಅಂತರವಿದ್ದರೆ
ಸ್ನೇಹಿತರಾಗಬಾರದೇ?
ಅಪ್ಪನ ಜೊತೆ ಮಕ್ಕಳು
ಗೆಳೆಯರಂತಿರಬಾರದೇ?
ಅಮ್ಮ ಮಕ್ಕಳ ಜೊತೆ
ಐಸ್ ಕ್ರೀಂ ತಿನ್ನಬಾರದೇ?
ಈ ವಯಸ್ಸಿನ ಅಂತರ
ನನಗೆಂದೂ ಅರ್ಥವಾಗಲೇ ಇಲ್ಲ.
ಮಗುವೊಂದಿಗೆ ಮಗುವಾಗಿ
ನಾನು ಬೆರೆಯಬಲ್ಲೆ,
ಹುಡುಗರೊಂದಿಗೆ ಸೇರಿ
ಗೋಲಿ ಆಡಬಲ್ಲೆ
ಹದಿಹರೆಯದವರೊಂದಿಗೆ
ಹರಟೆ ಹೊಡೆಯಬಲ್ಲೆ
ಓರಗೆಯವರೊಂದಿಗೆ
ಸಮಯ ಕಳೆಯಬಲ್ಲೆ
ಹಿರಿಯರ ಕಷ್ಟಸುಖ
ಕೇಳಿ ಸಂತೈಸಬಲ್ಲೆ.
ವೃದ್ಧರ ಜೊತೆ ಸೇರಿ
ಹಳೆ ಕಥೆಗಳ ಕೇಳಬಲ್ಲೆ
ಹಾಗಿದ್ದರೆ,
ಈ ವಯಸ್ಸಿನ ಅಂತರ,
ಅದೇನೆಂದು ಹೇಳುವಿರಾ?
ಯಾರಾದರೂ!
No comments:
Post a Comment