POEM 48 - ನಿಜದ ಪರಿಹಾರವೆ?

ನಿಜದ ಪರಿಹಾರವೆ?

ಅಲ್ಲೊಂದು ದಂಗೆ

ಇಲ್ಲಿ ಮಾನಭಂಗ,

ಮತ್ತೆಲ್ಲೋ ಒಂದೆಡೆ

ಕಾಮಣ್ಣರ ಕಾಟ;

ಹೆಂಗಳೆಯರ ಬದುಕು

ಆಗಿದೆ ನರಕ.

ಕಾರಣವೇನು ಕೇಳಿದರೆ

ಸಿಗುವ ಉತ್ತರ ತರತರ.

ಹುಡುಗಿಯರ ತೊಡುಗೆಯೆಂದು

ಅವರ ಹಾವ ಭಾವವೆಂದು,

ಅವರ ಮೇಕಪ್, ಲಿಪ್ಸ್ಟಿಕ್ ಎಂದು

ಕೊಡೋ ಕಾರಣ ತರತರ

ಪರಿಹಾರವೇನು ಕೇಳಿದರೆ

ಸಿಗುವ ಉತ್ತರ ತರತರ

೧೬ಕ್ಕೆ ಮದುವೆಯೆಂದು

ಓದುವುದು ಬೇಡವೆಂದು

ಕೆಲಸವಂತೂ ಒಲ್ಲೆಯೆಂದು

ಹೊರಗೆ ಓಡಾಡಬಾರದೆಂದು

ಟಿವಿ  ಮೊಬೈಲ್ ನಿಷೇಧವೆಂದು

ಸಿನಿಮಾ ನಾಟಕ ವರ್ಜ್ಯವೆಂದು

ಡ್ರೆಸ್ moಜ ಬೇಡವೆಂದು

ಮುಖಕೆ ಪರದೆ ಇರಬೇಕೆಂದು

ಆಟ ಆಡಬಾರದೆಂದು

ಒಟ್ಟಿನಲ್ಲಿ ಹೆಣ್ಣುಮಗಳು

ನಾಕು ಗೋಡೆಯೊಳಿರಬೇಕೆಂದು

ಮತ್ತೆ ಸಂಕಲೆಯು ಜಾತಿಯು,

ಮತ್ತದೇ ದಾಸ್ಯದ ಬಾಳ್ವೆಯು.

ಇದು ನಿಜದ ಪರಿಹಾರವೆ?

ಸಮಸ್ಯೆಗೆ ಪರಿಷ್ಕಾರವೇ?

ನೆಗಡಿಯಾದರೆ

ಮೂಗೆ ಕೊಯ್ವುದು

ಸರಿ ದಾರಿಯೇ?