ಸರಿದಾರಿ
ಒಮ್ಮೆ ಎಡವಿಬಿದ್ದರೆ
ದಾರಿಯಲಿ ನಡೆಯುವಾಗ
ಮತ್ತೆ ಬೀಳದಂತೆ
ಎಚ್ಚರಿಕೆಯ ವಹಿಸುವೆವು
ಕೆಲಸವನು ಮಾಡುವಾಗ
ಪುನಃ ಬೀಳದಂತೆ
ಜತನದಿ ನೋಡಿಕೊಳ್ಳುವೆವು
ಒಮ್ಮೆ ಫೇಲಾದರೆ
ಉಢಾಫೆಯಿಂದಿದ್ದಾಗ
ಇನ್ನೆಂದೂ ನಪಾಸಾಗದಂತೆ
ಗಮನವ ನೀಡುವೆವು
ಆದರೆ
ಜೀವನದಲಿ ಮಾತ್ರ ಮುಗ್ಗರಿಸಿ ಬಿದ್ದರೂ
ಪಾಠವನ್ನು ಕಲಿವುದಿಲ್ಲವೇಕೆ?
ಪದೇಪದೇ ಜಾರಿ ಬೀಳುತ್ತೇವೇಕೆ?
ಸೋಲನ್ನು ಅನುಭವಿಸುತ್ತೇವೇಕೆ?
ಗಾಯದ ಮೇಲೆ ಉಪ್ಪು ಸವರುತ್ತೇವೇಕೆ?
ಕೆಳಗೆ ಬಿದ್ದಾಗ, ಜೀವನದಿ ಸೋತಾಗ,
ಗುರಿ ಮುಟ್ಟಲು ಸಾಧ್ಯವಾಗದಾದಾಗ
ನೋವಷ್ಟೇ ಅನುಭವಿಸಿದರೆ ಸಾಲದು
ಆತ್ತು ಕಣ್ಣೀರಿಟ್ಟರೆ ಪ್ರಯೋಜನವಾಗದು
ಕಾರಣಗಳ ಹುಡುಕಬೇಕಾಗ
ತಪ್ಪುಗಳ ತಿದ್ದುಕೋಬೇಕಾಗ
ಸರಿದಾರಿಯಲಿ ನಡೆಯಬೇಕಾಗ
ಬೀಳದಂತೆ ಎಚ್ಚರವಹಿಸಬೇಕಾಗ
ಸಿಗುತ್ತದಾಗ ಸರಿ ಬದುಕಿನ ದಾರಿ
ಎಲ್ಲಿಯೂ ಬೀಳೆವು ಮತ್ತೆ ಕಾಲು ಜಾರಿ.
No comments:
Post a Comment