POEM - 90 - ಚೌಪದಿಗಳು

ಚೌಪದಿಗಳು 

ಚೌಪದಿ - ೧
ಅಳೆಯಲಾದೀತೇ ದುಡ್ಡಿನಿಂದೆಲ್ಲವನು,
ಪ್ರೀತಿ,  ಸ್ನೇಹ, ವಾತ್ಸಲ್ಯವನು?
ಪಡೆಯಲಾದೀತೇ ಹಣದಿಂದೆಲ್ಲವನು?
ಮಮತೆ, ನಂಬಿಕೆ, ಸಾಂತ್ವನವನು?

ಚೌಪದಿ - ೨
ಶ್ರಮಸಂಸ್ಕೃತಿ ಅದ್ಭುತ
ಆಗುವನು ವ್ಯಕ್ತಿ ವಿನೀತ,
ಎಲ್ಲರ ಬೆಳವಣಿಗೆ ತ್ವರಿತ
ಸಮಾಜವಾಗುವುದು ಶ್ರೀಮಂತ

ಚೌಪದಿ - ೩

ಕಾಣುವುದು ಹಲ್ಲುಗಳೆಂದು
ಮುಖಮುಚ್ಚಿ ನಗುವೆಯೇಕೆ?
ನಿಷ್ಕಲ್ಮಶ ಮನದ ಭಾವ
ತೋರ್ಪಡಿಸಲು ಸಂಕೋಚವೇಕೆ? 

ಚೌಪದಿ - ೪
ಸಹಿಸಿಯೂ ಅಷ್ಟೆಲ್ಲಾ ಕಷ್ಟವನು ಗೆಳತಿ
ಉಳಿಸಿಕೊಂಡಿರುವರು ಹೇಗೆ ಜೀವನಪ್ರೀತಿ?
ವಿಸ್ಮಯವೇ ನನಗೆ ನಿನ್ನ ಬದುಕಿನ ರೀತಿ
ಅದಕೆ ನಿನ್ನ ಕಂಡರೆ ಅಷ್ಟೊಂದು ಪ್ರೀತಿ.