ನೋಯದಿರು ಕಂದ
ಯಾರದೋ ತಪ್ಪಿಗೆ
ನೀ ನೋಯುವುದೇಕೆ ಕಂದ?
ಯಾರದೋ ದೂಷಣೆಗೆ
ನೀ ಬೇಯುವುದೇಕೆ ಕಂದ?
ಉಪಕಾರವ ಸ್ಮರಿಸದಿಹ
ಜನರಿರುವರು
ಮಾಡಿದ್ದನ್ನು ಮರೆಯುವ
ಮನುಜರಿರುವರು
ಚುಚ್ವುನುಡಿಗಳಾಡುವ
ಮಂದಿಯಿರುವರು
ಬಿರುನುಡಿಗಳಾಡುವ
ಕಟುಕರಿರುವರು
ಸರಿಯೆನಿಸಿದರೆ ನಿನ್ನ ವರ್ತನೆ
ಎದ್ದು ನಿಲ್ಲು ಅದಕಾಗಿ
ಸತ್ಯವೆನಿಸಿದರೆ ನಿನ್ನ ಚಿಂತನೆ
ಹೋರಾಡು ನೀ ಏಕಾಂಗಿ
ಸತ್ಯವಿದೆ ನಿನ್ನ ಮನದಲ್ಲಿ
ನಗುವು ಇದೆ ಮುಖದಲ್ಲಿ
ದೃಢತೆ ಇದೆ ಮಾತಿನಲ್ಲಿ
ಸಂಕಲ್ಪವಿದೆ ನಡೆಯಲ್ಲಿ
ಬೇಕಿದೆ ಇನ್ನೇನು ಕಂದ
ನಡೆ ನೀ ನೆಮ್ಮದಿಯಿಂದ.
No comments:
Post a Comment