ನನ್ನೊಳಗೆ ಅವಳು
ಅವಳು ಹೊರಹೋಗುವವರೆಗೆ
ತಿಳಿದಿರಲಿಲ್ಲ ನನಗೆ
ಅವಳನ್ನು ಇಷ್ಟೊಂದು
ಹಚ್ಚಿಕೊಂಡಿದ್ದೇನೆಂದು
ಅವಳಲ್ಲೇ ನನ್ನ ಜೀವವಿರಿಸಿದ್ದೇನೆಂದು ,
ಮೂಡಿತು ಪ್ರಶ್ನೆ ಆಗ
ನನ್ನ ದೇಹದೊಂದು ಭಾಗ
ನನ್ನ ಜೀವದ, ಜೀವನದ
ಭಾಗವಾದ್ದು ಯಾವಾಗ?
ಅವಳು ಒಡಲಿನಿಂದ
ಮಡಿಲಿಗೆ ಬಂದಾಗಿನಿಂದ
ಅವಳ ಜೊತೆಯಾಗಿ
ನಾನೂ ಬೆಳೆದೆ ತಾಯಾಗಿ
ಅವಳು ನಗುವಾಗ ನಕ್ಕೆ
ಅಳುವಾಗ ಅತ್ತೆ
ತುಂಟತನಕೆ ಕೋಪಿಸಿದೆ
ಮುಗ್ಧತೆಗೆ ಸೋತೆ
ಎಲ್ಲ ಮಕ್ಕಳಂತೆ ಅವಳಲ್ಲ
ಅವಳು ಕೇವಲ ಮಗಳಲ್ಲ
ಜೀವದ ಗೆಳತಿಯವಳು
ಜೀವನದ ಜೊತೆಗಾತಿಯವಳು
ಅವಳಿಲ್ಲದೆ ನಾನಿಲ್ಲ
ಎಂಬರಿವು ಇರಲಿಲ್ಲ
ಕ್ಯಾಂಪ್ ಎಂದವಳು ಹೋದಾಗ
ಎರಡು ದಿನದಿ ನನಗಾಗ
ಗೊತ್ತಾಯ್ತು, ಅರಿವಾಯ್ತು
ಮನದಟ್ಟಾಗಿ ಹೋಯ್ತು
ಅವಳಿಲ್ಲದೆ ನಾನೇನೂ ಅಲ್ಲ
ಅವಳಿದ್ದರೆ ನನ್ನ ಹಿಡಿಯುವವರೇ ಇಲ್ಲ!!
ಅವಳು ಹೊರಹೋಗುವವರೆಗೆ
ತಿಳಿದಿರಲಿಲ್ಲ ನನಗೆ
ಅವಳನ್ನು ಇಷ್ಟೊಂದು
ಹಚ್ಚಿಕೊಂಡಿದ್ದೇನೆಂದು
ಅವಳಲ್ಲೇ ನನ್ನ ಜೀವವಿರಿಸಿದ್ದೇನೆಂದು ,
ಮೂಡಿತು ಪ್ರಶ್ನೆ ಆಗ
ನನ್ನ ದೇಹದೊಂದು ಭಾಗ
ನನ್ನ ಜೀವದ, ಜೀವನದ
ಭಾಗವಾದ್ದು ಯಾವಾಗ?
ಅವಳು ಒಡಲಿನಿಂದ
ಮಡಿಲಿಗೆ ಬಂದಾಗಿನಿಂದ
ಅವಳ ಜೊತೆಯಾಗಿ
ನಾನೂ ಬೆಳೆದೆ ತಾಯಾಗಿ
ಅವಳು ನಗುವಾಗ ನಕ್ಕೆ
ಅಳುವಾಗ ಅತ್ತೆ
ತುಂಟತನಕೆ ಕೋಪಿಸಿದೆ
ಮುಗ್ಧತೆಗೆ ಸೋತೆ
ಎಲ್ಲ ಮಕ್ಕಳಂತೆ ಅವಳಲ್ಲ
ಅವಳು ಕೇವಲ ಮಗಳಲ್ಲ
ಜೀವದ ಗೆಳತಿಯವಳು
ಜೀವನದ ಜೊತೆಗಾತಿಯವಳು
ಅವಳಿಲ್ಲದೆ ನಾನಿಲ್ಲ
ಎಂಬರಿವು ಇರಲಿಲ್ಲ
ಕ್ಯಾಂಪ್ ಎಂದವಳು ಹೋದಾಗ
ಎರಡು ದಿನದಿ ನನಗಾಗ
ಗೊತ್ತಾಯ್ತು, ಅರಿವಾಯ್ತು
ಮನದಟ್ಟಾಗಿ ಹೋಯ್ತು
ಅವಳಿಲ್ಲದೆ ನಾನೇನೂ ಅಲ್ಲ
ಅವಳಿದ್ದರೆ ನನ್ನ ಹಿಡಿಯುವವರೇ ಇಲ್ಲ!!
No comments:
Post a Comment